جو شخص کرسی پر سجدہ کرتا ہے
جو شخص کرسی پر سجدہ کرتا ہے ، اگر جوتے پہن کر نماز پڑھے تو اس صورت میں اس کی نماز کا کیا حکم ہے ؟
جواب :۔ کوئی حرج نہیں ہے لیکن بہتر ہے ، جوتے نکال لے۔
کھجور کے پتّے اور بوری کے دھاگے پر سجدہ کرنا
جب شیعہ حضرات نماز کے لئے مسجد الحرام یا مسجد نبوی سے مشرف ہوتے ہیں تو بہت سے اشخاص سجدہ گاہ کے طور پر ، کاغذ،لکڑی یا بوریے وغیرہ کوکھلے عام اپنے ساتھ لے جاتے ہیں اور ان پر سجدہ کرتے ہیں نتیجہ یہ ہوتا ہے کہ وہابیوں یا دوسرے متعصّب مذاہب اسلامی کی ہتک حرمت اور طعن وتشنیع کا شکار ہوتے ہیں اور کبھی کبھی یہ کام لڑائی اور جھگڑے کا باعث ہوجاتا ہے، لہٰذا س ناگوار حالت سے بچنے کے لئے جانماز کے دو نمونے جن میں سے ایک پر سجدہ کی جگہ علاوہ نامحسوس طریقے سے ”کھجور کے درخت کے پتے“ سے بُنائی ہے اور دوسرے پر بوری کے دھاگے (سُتلی) کی یہ دونوں نمونے حضور کی خدمت میں ارسال کئے جارہے ہیں، لہٰذا جنابعالی سے گذارش ہے کھجور کے درخت پتے اور بوری کے دھاگے (سُتلی) سےبنی ہوئی سجدہ کی جگہ مشاہدہ فرماکر ان دونوں پر سجدہ کا حکم مرقوم فرمائیں؟
اگر سجدہ کی جگہ کھجور کے درخت کا پتا تھا تو کوئی اشکال نہیں ہے ۔
کرنسی (نوٹ)پر سجدہ کرنا
کیا رنگین کاغذ جو حقیقت میں، رنگین فوٹوہے ( جیسے کرنسی نوٹ) پر سجدہ کرنا جائز ہے ؟
جواب:۔ ایسے رنگین کاغذ پرجسمیں رنگ کے ذرات ( جرم) نہ ہوں کوئی حرج نہیں ہے ، لیکن بہتر ہے ، کرنسی نو ٹ پر سجدہ کرنے سے پر ہیز کیا جائے ۔
سجدہ گاہ کی ابھری ہوئی جانب پر سجدہ کرنا
کیا سجدہ گاہ کی تحریرشدہ جانب ( مثال کے طور پر لکھتے ہیں تربت اعلای کربلا ) سجدہ کرنا جائز ہے یا احتیاط فرماتے ہیں نیز احتیاط کی وجہ کیا ہے ؟
جواب: ۔ کوئی حرج نہیں ہے مگر جب کہ ایسا کرنا ، دشمن کے ہاتھ میں دستاویز دینا ہو۔
ریڈیو یا ٹیلی ویژن سے سجدے کی آیت کو سنا
اگر سجدہ کی آیت کو ریڈیو یا ٹیلیویژن سے سنے تو کیا سجدہ واجب ہے ؟
جواب:۔ اگر تلاوت قرآن، ڈائریکٹ ، آرہی ہے تو سجدہ واجب ہے اور اگر ڈائریکٹ نہیں ہے ( یعنی محفوظ کرنے کے بعد میں ٹیلی کاسٹ ہو رہی ہے ) تو احتیاط کے طور پر سجدہ کرے۔
کاغذی رومال یا خط کشیدہ کاغذ پر سجدہ
کیا کاغذی رومال ( ٹیشوپیپر) اورلائینوں والے کاغذ پر سجدہ کرنا جائز ہے؟
جواب:۔ اس صورت میںکاغذی رومال اور خط دار کاغذ پر سجدہ کرنا جائز ہے جب کاغذ کے خطوط (لائین) کاغذ تک پیشانی کے پہنچنے میں مانع نہ ہوں، یا خطوط کے درمیان سجدہ صحیح ہونے کی وجہ مقدار بھر فاصلہ ہو۔
سنگ مر مر اور سیمینٹ پر سجدہ کرنا
کیا سیمنٹ، موزائیک( مارول ) اور سنگ مرمر پر، سجدہ کرناجائز ہے ؟
جواب: ۔ کوئی حرج نہیں ہے ۔
سجدہ گاہ کے لکھے ہوئے یا نقش بنے ہوئے کی طرف سجدہ کرنا
کیا ایسی سجدہ گاہوں پر سجدہ کرنا جن پر ”تربت اعلیٰ مالِ کربلا“ یا پنجتن پاک علیہم السلام کے نام لکھے ہوں جائز ہے کلی طور سے یہ کہ لکھے ہوئے کی طرف سجدہ کرنا یا نقش ونگار بنی ہوئی سجدہ گاہ پر سجدہ کرنے کا کیا حکم ہے؟
کوئی اشکال نہیں ہے؛ لیکن اگر گنبد یا درگاہ بنی ہوئی ہو تو بہتر ہے اس کا مٹادیں ۔
آیت سجدہ کا سننا
قرآن کے واجب سجدوں کے سلسلے میں درج ذیل سوالات کے جواب عنایت فرمائیں:۱۔ اگر سجدہ کی آیتوں کا ایک حرف یا ایک کلمہ پڑھا جائے کیا سجدہ واجب ہوجاتا ہے؟۲۔ کیا سجدہ گاہ پر سجدہ کرنا واجب ہے یا انگلیوں کوسجدہ کی جگہ استعمال کیا جاسکتا ہے؟۳۔ باواسطہ طریقے سے سجدہ کی آیت کے سننے کا کیا حکم ہے؟
پوری آیت سجدہ کے پڑھنے یا سننے سے سجدہ واجب ہوتا ہے اور ریڈیوں یا کیسٹ وغیرہ سے سننے میں احتیاط سجدہ کرنے میں ہے اور پیشانی کو ایسی چیز پر رکھا جائے جس پر سجدہ کرنا جائز ہے ۔