فقہ میں واجب اور لازم کافرق
واجب اور لازم میں کیا فرق ہے؟
عام طور پر دونوں ایک ہی معبا میں استعمال ہوتے ہیں، ہاں کبھی کبھی لازم ایک وسیع مفہوم مین استعمال ہوتا ہے اور اس کا اطلاق احکام تکلیفی کے علاوہ پر بھی ہوتا ہے۔
طرفین معاملہ کی مرضی سے فسخ کو مشروط کرنا
ایک شخص اپنا مکان، معین قیمت میں فروخت کردیتا ہے اس کے بعد بیچنے والا اور خریدار دونوں کی مرضی سے معاملہ کو فسخ کردیا جاتا ہے لیکن فسخ کرنے کے ذیل میں یہ شرط رکھتے ہیں کہ اگر اس کی قیمت، جو بینک چیک کے ذریعہ وصول ہونا ہے، وصول نہ ہوئی تو پہلا معاملہ اپنی قوت پر باقی رہے گا ۔۱۔ کیا مذکورہ شرط کے ذریعہ فسخ کرنا صحیح ہے؟۲۔ فسخ کے صحیح ہونے کی صورت میں اگر چیک وصول نہ ہو تو کیا وہ فسخ بے اثر تھا اور خریدوفروخت کا پہلا معاملہ اپنی پہلی جگہ پلٹ جائے گا؟ یا فسخ تو صحیح تھا لیکن شرط باطل تھی؟۳۔ شرط کے باطل اور چیک وصول نہ ہونے کی صورت میں کیا مالک مکان کو قیمت کی رقم واپس کرنا چاہیے یا یہ کہ قانون کے مطابق خریدار چیک کے ذریعہ اقدامات کرے؟
۱/ سے ۳/تک: مذکورہ شرط کے ذریعہ فسخ کو مشروط کرنے میں کوئی ممانعت نہیں ہے اور اگر شرط حاصل نہ ہوئی تو چیز کا مالک اپنی چیز کو واپس لے سکتا ہے ۔
ناقابل استفادہ قرآن کا جلانا
گل جانے اور ریزہ ریزہ ہو جانے والے قرآن والے کو جلا دینے کا کیا حکم ہے؟ انہیں جلانے کے بعد ان کی خاک کو دفن کرنا جایز ہے؟ ایسا کرنے والے کا کیا وظیفہ ہے؟
جلانا جایز نہیں ہے، اسے کسی دور پاک جگہ پر دفن کیا جا سکتا ہے یا کسی دریا کے حوالہ کر سکتا ہے البتہ وہ دریا کسی نامناسب جگہ پر نہ گرتا ہو، اور اگر کسی نے جلایا ہے تو اسے اس بات کی تاکید کریں کہ وہ آءندہ ایسا نہ کرے اور اپنے اس کام سے توبہ کرے۔
معاملہ (خریدوفروخت) میں فائدہ کی مقدار
برائے مہربانی بیچنے والوں (دکانداروں) کے منافع کے سلسلہ میں درج ذیل سوالوں کے جواب عنایت فرمائیں:۱۔ تاجر اور دکاندار کے لئے منافع کی شرح کتنے فیصد ہے؟
فائدے کی کوئی مقدار معیّن نہیں ہے بلکہ یہ بات دونوں فریق (دگاندار اور خریدار) کی مرضی سے تعلق رکھتی ہے، مگر وہ جنس جس کی قیمت حکومت اسلامی کی جانب سے معیّن کی گئی ہو لیکن انصاف سے کام لینا بہرحال بہت اچھی بات ہے ۔
جو رقم داماد سے وصول کی جاتی ہے اس کا خمس
افغانستان کے لوگوں اور شیعوں کے درمیان رواج ہے کہ شادی میں مہر کی رقم کے علاوہ کچھ رقم لڑکی کا باپ، داماد سے وصول کرتا ہے کیا یہ رقم حلال ہے اور اگر اس رقم پر ایک سال گذر جائے تو کیا اس پر خمس واجب ہے ؟
جواب:۔اگر مذکورہ رقم کو عقد کے ضمن میں باپ کیلئے قرار دیا جائے تو حلال ہے اور سال گذرنے کے بعد اس پر خمس واجب ہے .
چیزوں کی قیمت معیّن کرنا
ہم نے فروخت کرنے کی غرض سے مثال کے طور پر کسی جنس کو سو تومان میں خریدا ہے کہ جس کو ۲۰/فیصد منافعہ کے ساتھ ایک سو بیس تومان میں بیچتے ہیں، کچھ عرصہ بعد ضرور اسی جنس کو ۱۵۰ تومان کی قیمت میں خریدیں گے جس پر اس دوران اصل سرمایہ میں سے تیس تومان نقصان میں بیچا ہے اور اگر یہی سلسلہ جاری رہے تو اصل سرمایہ بھی ہاتھ سے چلاجائے گا، اب ہم کیا کریں جو منصفانہ فائدہ بھی حاصل ہوجائے اور نقصان بھی نہ ہو؟
جنس کی قیمت کو بیچنے والامعیّن کرسکتاہے؛ لیکن اس طرح کے موقعوں پر بہتر یہ ہے کہ جس جنس کو سستا خریدا ہے، سستا بیچے (منصفانہ فائدے کے ساتھ) اور جس جنس کو مہنگا خریدا ہے، مہنگا بیچے (انصاف سے فائدہ وصول کرنے کے بعد)۔
حکومت اسلامی کے قوانین کا اعتبار
کیا اسلامی ملک ایران کے تمام پاس شدہ قانون کا توڑنا اسلامی احکام کی طرح حرام ہیں؟
اگر ان قوانین نے دقت کے ساتھ قانونی مراحل طے کیے ہیں تو وہ یقینا اسلامی شرع سے مطابقت رکھتے ہیں۔
قرآن کی توہین کرنے کی سزا
کیا قرآن کی توہین اور (نعوذ بالله) اس کے ساتھ نازیبا سلوک کرنا، مرتد ہونے کا باعث ہوتا ہے، ان لوگوں کا کیا وظیفہ ہے جو اس مسئلہ کے گواہ اور ان کے مشاہدے میں ایسا کیا جاتا ہے؟
اگر جان بوجھ کر اور معلوم ہوتے ہوئے ایسا ہوا ہو تو مرتد ہوجائے گا اور دوسرے لوگوں پر نہی عن المنکر کرنا لازم ہے ۔
نگین جڑے سونے کا خریدنا
سنار جب سونا خریدتے ہیں تو نگینہ کو انگوٹھی یا گردن بند سے الگ کرلیتے ہیں اور جب بیچتے ہیں تو اس نگینہ کے ساتھ وزن کرکے بیچتے ہیں، شرعی طور سے اس طرح کے معاملے کا کیا حکم ہے؟
اگر طرفین اس بات پر راضی ہوں تو کوئی حرج نہیں ہے۔
طلاق سے انکار اور زوجہ کو ایسے ہی چھوڑے رکھنا
اس شخص کا حکم کیا ہے ، جو زوجہ کے بارے میں، اپنے وعدوں پر عمل نہیں کرتا اور اس کو طلاق دینے پر بھی حاضر نہیں ہوتا ؟
جواب:۔اس شخص کو اپنے وعدوں اور معاہدات پر عمل کرنا چاہیےٴ اور اگر زوجہ کو ایسے ہی بلا تکلیف چھوڑ دے اور اس کے سلسلے میں اپنے شرعی وظیفوں پر عمل کرنے پر بھی تیار نہ ہو، حاکم شرع اس کو طلاق دینے پر مجبور کرے گا ارو طلاق نہ دینے کی صورت میں، زوجہ کی درخواست پر ، حاکم شرع اس کو طلاق دے سکتا ہے .
اس خاتون کی عدّت جسے حیض نہیں آتا
جب کسی خاتون کو بچّہ کو دودھ پلانے کی وجہ سے ماہواری نہ ہوتی ہو تو طلاق کے سلسلہ میں اس کا کیا وظیفہ ہے ؟
جواب:۔آخری جماع کے بعد، تین مہینہ تک صبر کرے گی، اس کے بعد صیغہ طلاق جاری کیا جائے گا پھر اس کے بعد تین مہینہ عدّت رکھے گی .
مرد کا نامحرم عورت کو سلام کرنا
کیا مرد کا نا محرم عورت کو سلام کرنا مکروہ ہے ؟
جواب:۔مکروہ نہیں ہے لیکن بعض روایات سے استفادہ ہوتا ہے کہ مرد کا جوان عورت کو سلام کرنا مکروہ ہے .
فروختہ شدہ چیز کے خراب ہونے کے بارے میں بیچنے والے اور خریدار کے درمیان اختلاف
میں نے کچھ مقدار خرما، اس شرط پرفروخت کیا تھا کہ اپنے دفتر میں خریدار کے حوالہ کروں گا، خریدار نے مجھ سے وہ خرما لے کر باہر ایکسپورٹ کردیا اور پھر چند مہینے گزرنے کے بعد دعویٰ کررہا ہے کہ وہ خرما خراب تھا کیا اس کا یہ دعویٰ قابل قبول ہے؟
اگر فروخت کرنے والا شخص خرید وفروخت کے وقت پر خرما کے عیب دار ہونے سے انکار کرتا ہے اور خریدار کے پاس اپنی بات پر کوئی دلیل بھی نہیں ہے تو بیچنے والے شخص کی بات قبول کی جائے گی، لیکن خریدار کو حق ہے کہ وہ اس سے مطالبہ کرے کہ حاکم شرع کے سامنے جاکر قسم کھائے ۔
معین مہر کے علاوہ دوسرے مہر پر نکاح کے صیغہ جاری کرنا
ایک لڑکی سے کہا گیا کہ تمہارا مہر ،پندرہ ہزار ہندوستانی روپیہ ہے وہ لڑکی اس مہر پر راضی ہو گئی لیکن نکاح نامہ میں دس ہزار روپیہ لکھا گیا وکیل نے نکاح نامہ میں تحریر مہر پر صیغہ نکاح جاری کیا ،کیا یہ نکاح دائم کا صیغہ صحیح ہے؟
احتیاط یہ ہے کہ صیغہ نکاح دوبارہ اس مہر کے ساتھ جاری کریں جس پر دونوں متفق ہیں۔
مشین سے ذبح کرتے وقت بسم اللہ کہنا
کیا تمام جانوروں کے ذبح کرنے کے لئے ، ذبح کرنے والی مشین چلاتے وقت ایک بار بسم اللہ کہنا کافی ہے یا یہ کہ ہر جانور کے لئے یا جس قدر جانور وں کو مشین فرصت دے(یعنی فاصلہ ہو) اس قدر بسم اللہ کہنا لازم ہے؟
جواب: اگر مشین مستقل چل رہی ہے تو احتیاط یہ ہے کہ اس وقت تک جب تک مشین چل رہی ہو ، ہمیشہ خدا کا نام دہراتا رہے۔ اگر چہ ایک بسم اللہ کے ساتھ چند جانور ذبح ہو جائیں۔
