الیکشن میں کھڑے ہونے والے امید وار پر مجمع میں تبصرہ
الیکشن میں کھڑے ہونے والے کینڈیڈیٹ کے بارے سب کے سامنے یا دو لوگوں کا آپس میں تنقید اور اس کی برائیاں بیان کرنے کا کیا حکم ہے؟
اگر ان کو ووٹ دینے کے سلسلہ میں یہ مشورہ کی کڑی ہو تو ایسا کرنے میں کوئی حرج نہیں ہے، البتہ اس میں ان کے صفات کا بیان ہونا چاہیے، ان کی توہین و تحقیر و تزلیل یا خدا نخواستہ ان پر تہمت نہیں لگانا چاہیے۔
ایشیاء وسطیٰ میں اکثر پیغمبروں کے مبعوث ہونے کی وجہ
کیوں تمام انبیاء بین النہرین اور ایشیا وسطیٰ (Midyame) کے علاقے میں ہی مبعوث ہوئے؟ اگرچہ ان کا تمدّن توکیوں بڑے تمدنوں جیسے یونان اور سرچنوست (Redlindian)سیاہ فاموں کے بڑے تمدنوں میں کوئی پیغمبر نہیں اُترا؟ (یہ بھی فراموش نہ کریں کہ حضرت عیسیٰ (علیه السلام) بھی ایشاء وسطیٰ میں پیدا ہوئے)کیا کنفیسوس کو (چین میں) بودھ کو (ہندوسان میں) زردشت اور کوروش کو (ایران میں) بقراط اور سقراط کو یونان میں الٰہی پیغمبروں میں شمار کرسکتے ہیں؟جیسا کہ ہمارے روائی منابع میں آیا ہے کہ ”ہم نے ہر دو شخص کے لئے ایک پیغمبر بھیجا ہے“ لہٰذا ضروری ہے کہ ”اسکیمووں“ اور تمام اقوام کے لئے پیغمبر آئے ہوں اور اگر جواب منفی میں تو اس نظریہ کی تقویت ہوتی ہے کہ پیغمبروں نے تمدن اور خدا پرستی کی ترقی اورلوگوں کی فکروں کو شکوفائی کے ساتھ تکامل کی راہیں طے کی ہیں! کیونکہ پہلے انسان آفتاب پرست، چاند پرست وغیرہ وغیرہ تھے، پھر انھوں نے عقل کے شکوفہ ہونے کے بعد، حقیقی خدا کا انتخاب کیا ، حضور کی رائے ہے؟
مورخین کا اتفاق ہے کہ تمدن کا گہوارہ وسطی ایشاء میں پھیلایا گیا، اس زمانے میں نہ یونان میں کوئی تمدن تھا اور نہ کہیں اور، اس وجہ سے کہ دین کی پیدائش اس علاقہ میں وسعت کا سبب ہوگی لہٰذا خدا نے پیغمبروں کو اس علاقے میں مبعوث کیا تاکہ وہاں یے اُن کا دین دنیا سب کے سب علاقوں میں پہنچ جائے ۔
چھت والی گاڑی میں باربار سوار ہونے کا کفارہ
اس زمانے میں جو حاجی حضرات عمرہ مفردہ کرنے کے لئے ایران سے تشریف لے جاتے ہیں وہ چھت والی گاڑی میں جاتے ہیں اور راستہ میں متعدد بار کھانے اور نماز کے لئے اتر تے اور سوار ہوتے ہیں کیا ان کے لئے ایک کفارہ کافی ہے یا ہر بار گاڑی سے اتر نے اور سوار ہونے پر جدا جد کفارہ لازم ہے ؟
جواب :۔ احرام عمرہ کی تمام مدت میں یا حج کے احرام کی کامل مدت میں ایک کفارہ کافی ہے ۔
ہڈی ٹوٹنے کی وجہ سے عضو کا چھوٹا ہوجانا
کیا شکستگی کی وجہ سے کسی عضو کا معیوب ہونا اس عضو کے چھوٹے ہوجانے کو یا طاقت اور حرکت کے کم ہوجانے کو بھی شامل ہے؟ یا فقط عضو کے معیوب ہونے سے مراد ہڈی کا جڑجانااور ٹوٹی ہوئی جگہ کا ٹیڑھا ہونا ہی منظور ہے؟ نتیجہً نقص عضو کی دیت، معیوب ہونے کے علاوہ ہڈی کے جڑجانے وغیرہ سے معیّن ہوگی اور اسی کے ساتھ محاسبہ کیا جائے گا؟
عضو کا معیوب ہونا (عشم) چھوٹے ہوجانے کو بھی شامل ہوتا ہے لیکن کام کرنے وغیرہ میں کمی واقع ہوجانے کی صورت میں ارش کے سراغ میں جانا چاہیے۔
زرتشتیوں کی دیت
مشہو ر فقہاء کے فتوے کے مطابق اہل کتاب کفار ذمّی کی دیت ۸۰۰ درہم ہے، کیا زرتشتیوں کی اقلیت کو بھی یہ حکم شامل ہوگا؟
جواب:احتیاط یہ ہے کہ اہل کتاب کی دیت منجملہ زرتشتیوں کی دیت مسلمانوں کے برابر ادا کرنی چاہئے۔
مواقعہ (مجامعت) کی صورت میں ، بچّہ سے انکار
ایک شخص نے ایک جوان خاتون سے نکاح متعہ کیا اور خود اس کے اقرار کے مطابق اس نے مجامعت بھی کی، اس کے بعد مذکورہ خاتون کے یہاں ولادت ہوجاتی ہے وہ خاتون اس بچّہ کو اس مرد سے منسوب کرتی ہے لیکن وہ شخص اپنا بچّہ ہونے سے انکار کردیتا ہے کیا اس صورت میں، مرد کا بچّہ سے انکار کیلئے قسم کھانا، شرعی حیثیت رکھتا ہے ؟
جواب :۔ چنانچہ مرد، مجامعت کا اقرار کرتا ہے تو وہ بچّہ اسی کا ہے اور اس کے قسم کھانے سے، بچّہ اس سے جدا نہیں ہو سکتا .
خواتین کی منی کی تشخیص۔
اگر عورت منی کے خارج ہونے کی وجہ سے مجنب ہوجائے تو جو شرائط مردوں کے لئے بیان کی گئی ہیں وہی شرائط عورتوں کے لئے بھی ضروری ہیں؟
جواب: عورت کے لئے لازم نہیں ہے کہ منی اچھل کر باہر آئے بلکہ اگر رطوبت اس وقت باہر آئے کہ جب شہوت انتہا پر پہنچ چکی ہو تو وہ منی کا حکم رکھتی ہے۔
نماز جمعہ میں مسافر کا شریک ہونا
اگر مسافر باطہارت( وضو) ہو کر نماز جمعہ کے دونوں خطبے سنے کیاظہر کی دورکعت نماز کی جگہ پر کافی ہےں ، اور کیا مسافر نماز جمعہ میں شریک ہوسکتا ہے ؟
جواب:۔ مسافر نماز جمعہ میں شرکت کرسکتا ہے اس کی نماظہر کی دورکعت کے لئے کافی (مجزی)ہے لیکن تنہا دو خطبوں کا سننا کافی نہیں ہے بلکہ دو رکعت نما ز جمعہ بھی ضرورپڑھے۔
کافر کا بلاد مسلمین میں زمین آباد کرنا ۔
جب بھی کوئی کافر بلاد مسلمین میں کسی زمین کو آباد کرلے، کیا اس زمین کا مالک ہوجاتا ہے؟
جواب: حکومت اسلامی کی موافقت کی صورت میں مالک ہوجائے گا بشرطیکہ مسلمانوں کو ضرر نہ پہنچائے۔
پگڑی پر دکان وغیرہ لینے والوں کے اختیارات
ایک شخص نے سن ۳۶۰اہجری شمسی میں ، ایک دکان ، معلوم و معین قیمت پر مالک اور خریدار کے درمیان ، طے شدہ قرار داد کے مطابق ،پگڑی پر خرید ی ہے اور اس وقت کی طے شدہ قیمت ادا کردی ہے ، بیعنامہ کے ذیل میں یہ تحریر کیا ہے (( معاملہ پگڑی کی صورت میں ہے اور اس کو کسی دوسرے شخص کو دینے کاحق ہے ، لیکن دوسرے کو بیچتے وقت ، پگڑی کے قانون کے مطابق ، فائدہ کی رقم کے بارے میں اصل مالکوں کی رضایت کو ضرور حاصل کرے ، ( یعنی اصل قیمت سے زیادہ پر فروخت کر رہا ہے تو اس اضافی قیمت کو جو خریدار کا منافع ہے اس کے بارے میں ، اصل مالک کی رضایت حاصل کرے ) اور کرایہ کے طور پر ، تحریر لکھنے کے وقت سے دو سال تک ، سو تومان مہینہ مقرر ہوا ،مذکورہ بالا شرائط کو ملحوظ رکھتے ہوئے فرمائیں:الف ) کیا مالکین یا مالک ، شریعت کی رو سے ، جس کو دکان پگڑی پر دی ہے اس کی موافقت کے بغیر ، کرایہ کی رقم ہر سا ل بڑھا سکتے ہیں ؟ب) کرایہ کی رقم کی صور ت میں ، پھر پگڑی اور کرایہ پر دینے میں کیا فرق ہوا ؟
الف) ان صورتوں میں کہ جب ( دکان ) پگڑی پر دی گئی ہے اور کرایہ کی مدت بھی معین کر دی گئی ہے ، اس مدت کے گذرنے کے بعد ، مالک کرایہ کی مقدار میں تجدید نظر کرسکتا ہے ، لیکن بازار کے معمول سے زیادہ ، کرایہ دار سے کرایہ نہیں لے سکتا ۔ ب )پگڑی پر دینے کا فائدہ یہ ہے کہ بازار میں ، اس کا کرایہ کم ہوجاتا ہے اور دوبارہ کرایہ پر دینے کے لئے ہمیشہ ( کرایہ دار ) کا حق ددوسروں سے پہلے ہوتا ہے
صلہ رحم کا معیار
قطع رحم اور صلہ رحم اسلام میں جس پر تاکید کی گئی ہے، کا معیار کیا ہے؟ کیا اس کے حدود آیات و روایات میں بیان ہوئے ہیں؟ اگر میں اپنی بہن بھائی کے پوتوں اور نواسوں یا اپنی خالہ سے قطع رحم کروں تو اس کا کیا حکم ہے؟
اس سے مراد اپنے اعزا و اقارب سے متعارف اور عام رابطہ اور تعلق رکھنا ہے۔ البتہ رشتہ جتنا نزدیکی ہو رابطہ ان ہی زیادہ اور مستحکم ہونا چاہیے۔
نسبندی کے لیے ڈاکٹروں کا زبردستی کرنا
سرکاری ڈاکٹر کے بارے میں درج ذیل سوالوں کے جوابات بیان فرمائیں:الف: اگر سرکار کی طرف سے اسے بچے پیدا ہونے سے روکنے کے سلسلے میں مرد اور عورت کو عقیم کرنے کا حکم دیا گیا ہو تو اس کا شرعی فریضہ کیا ہے؟ب: اگر ڈاکٹر کو اس کام کے لئے مجبور کیا جائے تو کس مرحلے اور صورت میں ایسا کرنا اس کے لیے گناہ حساب نہیں ہوگا؟ج: جبر کی صورت میں کیا وہ شرعا ضامن بھی ہوگا؟
جواب: الف۔ اگر طب کے دیندار ماہرین اس بات کی تصدیق کرتے ہیں تو ایسا کرنے میں کوئی حرج نہیں ہے ۔ب۔ اگر جبر اور زبردستی سے مراد یہ ہو کہ اسے اپنی سرکاری نوکری سے ہاتھ دھونا پڑے گا تو بھی اس کے لیے حرام کام انجام دینا حرام ہے ۔ج۔ اس صورت میں ڈاکٹر ضامن ہے ۔
سُنّی سے شادی
کیا سنی مردوں کی شیعہ خواتین سے ، شادی جائز ہے ؟شیعہ مرد کی سنی عورت سے شادی کرناکیساہے ؟
اگر اس کے منحرف ہونے کا خوف نہ ہو تو اس صور ت میں کوئی ممانعت نہیں ہے لیکن اگر عقیدہ میں منحرف ہونے کا امکان ہو تو جائز نہیں ہے ۔
عاصم کی قرائت کے علاوہ کسی دوسری قرائت کے مطابق نماز پڑھنا
کیا نماز کو ”عاصم“ کی قرائت کے علاوہ دوسری تمام قرائتوں سے بھی پڑھا جاسکتا ہے؟ مثلاً کلمہٴ ”مالک“ فقط عاصم اور کسائی کی قرائت میں ”مالک“ پڑھا گیا ہے جبکہ تمام قرّاء سبعہ نے اس کو ”ملک“ پڑھا ہے، اگر نمازی ”ملک“ پڑھنا چاہے تو کیا اس کے لئے ضروری ہے کہ نماز سے پہلے اپنی قرائت کی نوعیت کو مشخص کرے؟
حفص کی عاصم سے مروی قرائت کے علاوہ پڑھنے میں چونکہ یہی قرائت مشہور بھی ہے، اشکال ہے ۔