عدم النفع کی دھمکی کی صورت میں اکراہ کا حکم
کیا عدم نفع (نفع نہ پہنچانے کی دھمکی) اکراہ کے محقق ہونے میں موٴثر ہے؟
عدم النفع کی صورت میں اکراہ صدق نہیں کرتا ۔
بیماری کا تعین نہ کر پانے والے ڈاکٹر کا فریضہ
اگر ڈاکٹر بیماریوں کی انواع و اقسام و علامات کو موضوع کی وسعت کی خاطر بھول جانے کے سبب مریض کی بیماری کو معین نہ کر سکے اور اسے دوا نہ بتا سکے ، جس کے نتیجہ میں بیماری بڑھ جائے یا مریض کی موت ہو جائے تو ایسا ڈاکٹر کس حد تک ذمہ دار ہے؟ (جبکہ وہ ڈاکٹر کسی بڑے اور ماہر ڈاکٹر کی طرف مریض کو ریفر کر سکتا تھا)
ڈاکٹروں کا وظیفہ یہ ہے کہ ایسے کیس میں دخالت نہ کریں اور اسے خود سے بڑے اور ماہر ڈاکٹر کی طرف ریفر کر دیں۔
بلاد کفر میں دینی مبلغوں کا سفر
اگر کوئی دینی مبلّغ ، اپنی زوجہ اور بچوں کے دین کے ضعیف ہونے کا امکان دے تو کیا اس صورت میں، بلاد کفر کی جانب تبلیغ کے لئے سفر کرسکتا ہے؟
فقط امکان اور احتمال کافی نہیں ہے، مگر یہ کہ قوی امکان ہو اور اس طرح کے مسائل میں جو تبلیغ اسلام سے مربوط ہیں، وسوسہ نہیں کرنا چاہیے
زنا کار عورت سے شادی کرنے کےلئے زانی مرد کو مجبور کرنا
اگر زانی، زانیہ سے شادی کرلے تو ان کے محلہ میں ، گناہ کم ہونگے اور ان کی اصلاح بھی ہوجائے گی، اس صورت میں کیا ان دونوں کو شادی کرنے پر مجبور کیا جا سکتا ہے ؟
جواب:۔کسی کو شادی کرنے پر مجبور نہیں کیا جاسکتا، لیکن ان کوتذکر دینا اور رہنمائی کرنے میں کوئی ممانعت نہیں ہے اسی طرح ان موارد میں کہ جب قاضی ان کو معاف اور سزا دینے سے صرف نظر کرسکتا ہو تو اسے (قاضی کو ) حق ہے کہ معاف کرنے کو شادی کرنے سے مشروط قرار دے .
اُس ناجائز بچے کی دیت جس کو ماں نے ساقط کیا ہو
اگر ماں خود اپنے انجکشن لگائے تاکہ اپنے ناجائز بچّے کو ساقط کردے تو دیت کس کی گردن پر ہوگی اور کس کودی جائیگی اور اگر شوہر معاف کردے تو کیا حکم ہے ؟
جواب:یہاں پر سقط جنین کی دیت ماں کے اوپر ہے اور اس کی دیت حاکم شرع کو دی جائے گی اور بیت المال کے اخراحات میں خرچ ہوگئی۔
طواف کرنے والوں کے در میان نماز طواف بجالانا
اژدھام اور کثیر تعداد میں مجمع ہونے کی وجہ سے ، حج کے موسم میں مقام حضرت ابراہیم علیہ السلام ، طواف کرنے والوں کے درمیان میں ہوتا ہے اگر کوئی شخص وہاں پر طواف کی نماز پڑھتا ہے تو مشکل ہوتی ہے اور دوسرے لوگ اعتراض کرتے ہیں ، کیا مقام ابراہیم کے پیچھے ، مسجد الحرام کی آخری حدود تک نماز پڑھ سکتا ہے ؟
جواب:۔کوئی ممانعت نہیں ہے پیچھے ہٹ کر نماز پڑھے اور اگر وہاں نماز پڑھنا طواف کرنے والوں کے لئے زحمت کا باعث ہے تو ان کے درمیان نماز پڑھنا اشکال سے خالی نہیں ہے ۔
گاؤں کی آس پاس کی چرا گاہوں کے گھانس سے استفادہ کرنا
بعض دیہاتی علاقوں میں رائج ہے کہ لوگ ، پہاڑجنگل اور چراگاہوں کو آپس میں تقسیم کرلیتے ہیں، وہاں پر زراعت کرتے ہیں اور وہاں پر اُگے ہوئے گھاس سے استفادہ کرتے ہیں، اس تمہید کو ملحوظ خاطر رکھتے ہوئے درج ذیل دو سوالوں کے جوابات عنایت فرمائیں:الف) اگر کوئی شخص دوسرے شخص کی حدود میں جاکر وہاں سے گھاس کاٹلے ، کیا اس جگہ کا مالک اس گھاس کو ضبط کرکے اپنے یہاں لے جاسکتا ہے؟ب) کیا ہر شخص اپنی معیّن جگہ کا گھاس بیچ کر اس کی رقم حاصل کرسکتا ہے؟
جواب: الف)پہلی صورت میں، اس جگہ کا مالک اس گھاس کو ضبط کرنے کا حق رکھتا ہے جسے اس کی اجازت کے بغیر کاٹا گیا ہے ۔جواب: ب) دوسری صورت میں، گھاس کاٹنے کی اجازت کے عوض ، رقم حاصل کرنے میں کوئی اشکال نہیں ہے ۔
مقتول کے مقروض ہونے کی صورت میں دیت کا معاف کردینا
اگر مقتول، مقروض ہو اور اس کی ادائیگی کے لئے دیت کے علاوہ کوئی مال بھی نہ ہو اور وارثین اس غرض سے کہ قرض خواہوں کو کوئی پیسہ ہاتھ نہ لگ سکے یا کسی اور غرض سے قاتل کو معاف کردیں، کیا قرض خواہ افراد دعوا کرسکتے ہیں اور شخص ثالث کے عنوان سے مقدمہ میں داخل ہوسکتے اور اپنے قرضوں کا مطالبہ کرسکتے ہیں؟
جواب: میت کے مطالبات ہرچیز پر مقدم ہیں اور مسئلہ کے فرض میں اولیاء دم (وارثین) کو معاف کرنے کا حق نہیں ہے۔
ایسے شخص کی دیت اور قصاص جس نے اپنی زوجہ کو قتل کردیا ہو
اگر کوئی شخص عمداً اپنی زوجہ کو قتل کردے اور مقتولہ کے وارثوں میں فقط ایک اس کی ماں اور ایک بیٹی ہو اور یہ ملحوظ رکھتے ہوئے کہ بیٹی کے ذریعہ باپ کا قصاص کرنا ممکن نہیں ہے لیکن مقتولہ کی ماں نے قصاص کرنے کا تقاضا کیا ہے:الف) چونکہ قصاص کی تقاضا مند (مقتولہ کی ماں) کی طرف سے آدھی دیّت قاتل کو دینا لازم ہے، سوال یہ ہے کہ کیا لڑکی کے حصّہ کی دیت بھی ادا کرے یا نہیں، نیز توجہ رکھتے ہوئے کہ قاتل کا باپ موجود ہے جو اس کا نابالغ بیٹی کا دادا ہوتا، کیا نابالغ بچی کی مراعات کرتے ہوئے، دیت کا تقاضا کرنا یا معاف کردینے کا کام اس کے داد کے ذمّہ ہے؟ب) اگر قصاص کا تقاضا کرنے والی (مقتولہ کی ماں) میں، بچی کے حصّہ کی دیت کی رقم کو ادا کرنے کی استطاعت نہ ہو یا ادا کرنے سے انکار کرنے کی صورت میں کیا قصاص کا حق ساقط ہوکر دیت کے حکم میں تبدیل ہوجائے گا یا اس کے اجرا کرنے میں تاخیر کی جائے گی، نیز تاخیر کی صورت میں کیا مجرم کو قید سے رہا کردیا جائے گا یا نہیں؟
الف) بچی کے حصّہ کی دیت ادا کرے اور بظاہر اس کام میں داد اس کے ولی ہیں ۔ ب) اگر ولی قصاص میں مختصر سے عرصہ کے بعد، مالی استطاعت کی امید ہو تو اس کے مستطیع ہونے کا انتظار کرنا چاہیے نیز مجرم سے کافی حد تک ضمانت لے کر اُسے رہا کردیا جائے گا، لیکن اگر اس کے مستطیع ہونے کی امید نہیں ہے تب قاتل پر دیت لازم ہوجائے گی ۔
حرف ساکنہ سے پہلے فتحہ کو کھینچ کر پڑھنا
بہت سے نمازی نیچے دیئے گئے موارد میں ساکن سے پہلے فتحہ کی حرکت کو ایک حرکت (عرب زبانوں کے مانند) سے زیادہ کھینچتے ہیں: جیسے ۱۔ مَغْضُوبِ ۲۔”اٴحد“ ”قل ھو اللهُ اٴحد“ میں ۳۔صمد ”الله الصحد“ میں اٴمر ”من کل اٴمر “ میں ۵۔الفجر ”ھی حتی مطلع الفجر“ میں ۔ حالانکہ عربی زبان کے قدیم وجدید ماہرین کہتے ہیں : فتحہ کی حرکت کا الف مدّی سے (کھینچ کر آواز نکالنا ”آ“)کوئی فرق نہیں ہے مگر آواز کی کشش کی مقدار میں، دوسرے لفظوں میں اگر فتحہ کو تھوڑا سا زیادہ کھینچ دیں تو الف سے بدل جائے گا، لہٰذا اس سلسلے میں اپنی مبارک نظر بیان فرمائیں؟
اگر صحیح عربی صادق آتی ہے تو اشکال نہیں ہے؛ اگرچہ قواعد وتجوید کے موافق نہ ہو۔
ضرورت کی صورت میں میّت کے عضو کو جدا کرنا
اگر میت کے اعضاء میں سے کسی عضو کی ضرورت ہو اور اس کو اس کے بدن سے جدا کرلیں، کیا اس کی دیت ہے ؟ اور اگر ہے تو کتنی ؟ کون اس کو دے گا ؟ کون لے گا ؟ دیت کے ثابت ہونے کی صورت میں کیا مسلمان اور کافر میں فرق ہے اسی طرح کیا کافر ذمّی اور غیرذمّی میں فرق ہے ؟
جواب: ایسی صورت میں احتیاط، دیت کی ادائیگی میں ہے ۔ اور دیت کو اس کی طرف سے راہ خیر میں صرف کریں اور کافر حربی کی دیت نہیں ہے ۔
فروختہ شدہ چیز کی ملکیت دینے میں تاخیر
جس چیز کو بیچا جارہا ہے کیا اس چیز کی ملکیت کو معاملہ کے وقت سے کچھ مدت بعد پر موقوف کیا جاسکتا ہے یا فقط عقد معاملہ ہوتے ہی اس چیز کی ملکیت بھی دوسرے کی طرف منتقل ہوجائے گی (مثال کے طور پر دو مہینہ یا اس سے زیادہ مدت)
ملکیت کو بعد کے وقت پر موقوف نہیں کیا جاسکتا ؛ لیکن چیز کو (مثلاً دومہینہ یا زیادہ مدت کے) بعد میں خریدار کے حوالہ کیا جاسکتا ہے ۔
